Ministrja e Jashtme e Shqipërisë ndodhet në një vizitë zyrtare në Greqi. Paraditen e sotme është pritur nga homologu, Nikos Dendias.
Xhaçka shkruan se ndajnë të njëjtin vizion dhe dëshirë për të ardhmen e marrëdhënieve, por nuk përmend në postimet në rrjetet sociale nëse është folur për çështjet e vjetra mes dy vendeve.
“Patëm një diskutim konstruktiv për të gjitha aspektet e marrëdhënieve. Mirënjohës ndaj Dendias për rolin e tij personal në thellimin dhe zgjerimin e partneritetit midis vendeve tona dhe mbështetjen e vendosur për integrimin.
Ne ndajmë të njëjtin vizion dhe dëshirë për të ardhmen e marrëdhënieve tona dhe të rajonit në tërësi dhe jemi të përkushtuar të punojmë së bashku për të gjetur mënyra për t’u angazhuar në mënyrë konstruktive për të mirën e popullit tonë dhe të rajonit” shkruan ministrja.
