Gjykata e Tiranës ka rrëzuar këtë të mërkurë kërkesën e bërë nga Marjan Rroku, i cili kërkonte zbutjen e dënimit me burgim të përjetshëm dhënë më herët nga togat e zeza. Rroku u dënua me burgim të përjetshëm për vrasje të dyfishtë. Më 29 maj të vitit 2001, ai ekzekutoi me armë zjarri në zonën e Pallatit të Sportit “Asllan Rusi”, ish-të dashurën e tij Alda Canaj dhe nënën e saj, Mbarime Canaj.
Pas ngjarjes së rëndë, Marjan Rroku duke përdorur njohjet si ish-oficer i Shërbimit Informativ Kombëtar arriti të arratisej në Shtetet e Bashkuara të Amerikës, por u arrestua në vitin 2002 dhe u ekstradua në Shqipëri.
Si u njoh me Aldën?
Gjatë kohës që ai mbante detyrën e oficerit të SHIK së bashku me dy persona të tjerë krijuan njohje me një grup vajzash, të cilat qëndronin në Qytetin Studenti. Mes vajzave ishin dhe motrat Ornela dhe Alda Canaj. Kjo e fundi krijoi një marrëdhënie të ngushtë miqësore si fillim me Rrokkun. Por më pas u kthye në sentimentale dhe Marjan Rroku shfaqi shenja të forta xhelozie. Disa muaj para se ta vriste ai e kishte dhunuar të renë, duke i shkaktuar hematoma të shumta në fytyrë.
Më pas më 29 maj të vitit 2001, ai u doli përpara nënë e bijë, Alda dhe Mbarime Canaj dhe qëlloi ndaj tyre duke i lënë të vdekura. Ai u dënua në mungesë nga drejtësia shqiptare, derisa u arrestua në SHBA dhe u ekstradua në Shqipëri.
