BRITANI E MADHE- Një shqiptar është dënuar me burg në Britanin e Madhe, pasi i shkaktoi pronarit të tij grek, një dëmtim “katastrofik” të trurit që çoi në vdekjen e tij gati 11 vjet më vonë Arjan Balla ndoqi dhe sulmoi biznesmenin Anastassios Delis në një kantier ndërtimi në Queensëay, Southampton në vitin 2006, shkruajnë mediat e huaja.
Shqiptari ishte dënuar më parë për lëndime të rënda trupore për sulmin ndaj ish-shefit të tij, Anastassios Delis në vitin 2006 në Southampton. Sipas Shërbimit të Prokurorisë së Kurorës (CPS), Delis goditi kokën në dyshemenë e betonit dhe nuk e rifitoi kurrë vetëdijen.
Balla kishte përdorur emrin Tahir Karaj në kohën e veprës penale dhe u dënua me tre vjet burgim në vitin 2007, nga të cilat vuajti një vit para se të dëbohej në vendlindjen e tij, Shqipëri. Pas hetimeve nga Policia e Hampshire, Agjencia Kombëtare e Krimit, Interpoli dhe autoritetet shqiptare, identiteti i vërtetë i Ballës u zbulua në janar 2024. Ai u arrestua kur mbërriti në aeroportin Stanstead vetëm tre ditë më vonë.
Balla u dënua me 12 muaj në Gjykatën e Kurorës së Southampton
