GREQI – Personi që shikoni në foton e mësipërme është Eduart Danaj autori i dyshuar i vrasjes së shqiptares Enkelejda Danaj në Greqi. 50-vjeçari është shpallur në kërkim nga policia dhe ende nuk ka asnjë gjurmë për vendodhjen e tij.
Enkelejda Danaj u gjet e pajetë mëngjesin e kësaj të enjte në kryqëzimin e rrugëve Parnithos dhe Aristotelous, një nga pikat më qendrore të Menidit në Greqi. Ajo është goditur me thikë në bark nga ish-bashkëshorti i saj, Eduart Danaj 50-vjeç me origjinë nga Vlora. Ende nuk dihen shkaqet që e kanë çuar burrin drejt aktit ekstrem, ndërsa raportohet se 40-vjeçarja e kishte denoncuar tre herë ish-bashkëshortin për dhunë në familje, por ky i fundit është lënë i lirë nga policia vendase. Ai tashmë është shpallur në kërkim, dhe deri tani ende nuk ka asnjë gjurmë prej tij.
