TIRANË- Gjykata e Apelit të Juridiksionit të përgjithshëm ka dënuar me burg të përjetshëm Kristian Cenajn, i cili akuzohet për vrasjen e Mariglen Gjonajt. Cenaj akuzohet për veprën penale “Vjedhja me pasojë vdekjen”.
Në vitin 2015 Kristjan Cenaj vrau 16-vjeçarin Mariglen Gjonaj në Mamurras për t’i vjedhur viktimës orën Rolex dhe varesen e floririt.
Krimi u zbulua në 2022-shin kur u gjetën eshtrat e groposura në një zonë me ferra dhe shkurre në Fushe Kuqe të Kurbinit, afro 7 vite nga zhdukja e 16-vjecarit.
Cenaj u vu në pranga në vitin 2022, vetëm pak minuta pas kishte përfunduar dasmën e të vëllait të tij, ndërsa kishte ardhur nga Italia posaçërisht për këtë gëzimfamiljar në Kurbin. Ai ka mbajtur vazhdimisht qëndrim mohues, duke pretenduar se nuk është ai vrasësi.
