Prokuroria pranë Gjykatës së Shkallës Parë të Juridiksionit të Përgjithshëm Shkodër ka përfunduar hetimet dhe ka dërguar në gjyq dy vëllezërit, Arjon dhe Klinsman Hasaj, të akuzuar për pesë vepra penale.
Ngjarja që çoi në këto akuza ndodhi më 5 janar 2025, në orën 07:15, në vendin e quajtur ‘Dragoç’, në njësinë administrative Postribë, ku R.M., një 33-vjeçar, u vra me armë zjarri në automjetin e tij. Prokuroria informon se pas hetimeve dhe veprimeve proceduriale për zbardhjen e rrethanave dhe motivit, vëllezërit u morrën në pyetje. Ata akuzohen për “Vrasjen me paramendim” në bashkëpunim, si dhe për “Mbajtjen pa leje dhe prodhimin e armëve”, “Prishjen e qetësisë publike”, “Sigurimin e kushteve për të kryer vrasje” dhe “Veprime që pengojnë zbulimin e së vërtetës”.
Sipas hetimeve, ngjarja ndodhi pas një konflikti të gjatë mes dy familjeve të fshatit, lidhur me një marrëdhënie jashtëmartesore mes motrës së autorëve dhe viktimës. Kjo marrëdhënie kishte sjellë pasoja për shkak të publikimit të videove intime, që kishin ndikuar në prishjen e dy martesave të motrës së tyre.
Pas krimit, vëllezërit u kapën nga kamerat e sigurisë duke u larguar me biçikletë nga vendi i ngjarjes, ndërsa arma e krimit u gjet e groposur afër banesës së tyre. Prokuroria ka njoftuar se do të vazhdojë me procedurat gjyqësore për këto akuzat e rënda.
Ngjarja ka tërhequr vëmendjen e mediave për shkak të përmasa të rënda dhe kontekstit familjar që i parapriu saj, duke nxjerrë në pah tensionet dhe konfliktet që shpesh ndodhin brenda bashkësive të vogla.
Autoret e vrasjes do të përballen me dënime të rënda në përputhje me Kodin Penal, ndërsa procesi gjyqësor pritet të zbardhë më tej detaje mbi këtë ngjarje tragjike.
