Gazetari investigativ Artan Hoxha ka ‘rihapur’ sërish dosjen e vrasjes së Gëzim Sinomatit. Në fjalën e tij gjatë emisionit “Breaking”, Artan Hoxha tha se vrasja e tij ka ndodhur për humbjen e një ngarkesë prej 250 kg heroinë në Belgjikë. Sipas Hoxhës, ngarkesa që po kalohej nga disa persona nga Veriu i Shqipërisë, është marrë nga persona të afërt me Sinomatin.
Por gjatë fjalës së tij hodhi edhe disa pista, duke përmendur disa zona të Shqipërisë, të cilat janë të “specializuara” për trafkun e heroinës.
“Më rezulton se shkak është humbja e një ngarkesë prej 250 kg heroinë. E dimë kush e sjell heroinën në Shqipëri. Kjo ngarkesë ka humbnur në Belgjikë, personat që e çonin ishte nga Veriu i Shqipërisë. Ishin persona të afërt të Gëzim Sinomatit. Kundërshtarët kanë kërkuar kthimin e ngarkesës, ose do të reagonin. Kur kanë humbur shpresën, ata kanë sulmuar personin që arritën të kapnin. Për heroninë në Shqipëri ka 3 qendra, Fieri, Elbasani dhe Shijaku. Territori më afët me Vlorën është Fieri. Kjo është një ngjarje e rëndë, jemi ende pa autor. Kam frikë se po nuk u gjend, vështirë,”-tha Artan Hoxha.
22-vjeçari Gëzim Sinomati u ekzekutua me një plumb mbrëmjen e 7 janarit në Vlorë. I riu sapo ishte kthyer në Shqipëri për festa teksa nuk raportohet të ishte një person problematik dhe me precedent penal. Pista kryesore e kësaj ngjarje dyshohet të jetë ajo e hakmarrjes pasi babai i viktimës ka qenë pjesë e bandës së Gaxhait në vitin 1997 dhe aktualisht ndodhet në burg për vrasje të ndodhur në vitin 2002. Babai i 22-vjeçarit njihej në Vlorë dhe me nofkën “Sokol buzëderri”.
