Shtatë vite pas krimit brutal në Aeginë, 36 vjeçari shqiptar Ledjon Brakaj u arrestua në Maltë duke plotësuar kështu ‘puzzle’-in e krimit të dyfishtë që tronditi Greqinë.
Një tezë dhe një nip u rrahën brutalisht dhe u dogjën të gjallë në shtëpinë e tyre.
Njollat e gjakut në muret e shtëpisë, së bashku me mobiljet e thyera dhe xhamat e dritareve, tregonin torturat që 70 vjeçarja Irini Marmarinou dhe nipi i saj 44 vjeçar Lambros Protonotarios kishin përjetuar.
Siç u pa nga deklasifikimi i sekretit bankar, pak ditë para krimit të dyfishtë, 70-vjeçarja kishte tërhequr 800 mijë euro nga një bankë.
Diçka që mesa duket e dinin autorët, të cilët hynë të vendosur për të marrë paratë dhe për ta vrarë.
Analizat laboratorike kishin “bërë” një rreth prej 60 të dyshuarish, ku të gjithë u konstatua se jetonin në të njëjtin fshat në Shqipëri dhe kishin lidhje me njëri-tjetrin, ndërsa njeri prej tyre ishte në Egjinë ditën e krimit, por arriti të arratisej.
Ai është Ledjon Brakaj dhe u arratis në Maltë dhe për një moment ai besoi se çështja është mbyllur përgjithmonë.
36 vjeçari shqiptar ngarkonte video dhe foto në llogaritë e tij në internet nga pushimet dhe udhëtimet e kohës së lirë, teksa autoritetet greke vazhdonin në heshtje pa ngritur dyshimet ndaj tij, shkruan medie helene newsit.
Më në fund, oficerët e policisë në Maltë i morën 36-vjeçarit gjurmët e gishtërinjve dhe kur u identifikuan me ato të urdhrit europian të arrestit, njoftuan autoritetet greke.
Edhe sot e kësaj dite nuk dihet se çfarë kanë ndodhur me paratë që ndodheshin brenda shtëpisë dhe cilët kanë qenë bashkëpunëtorët në vrasjen e dyfishtë.
