Një aksident ka ndodhur sot, rreth orës 09:15, në aksin Vlorë-Llakatund ku një person ka humbur jetën.
Automjeti tip “Toyota”me drejtuese shtetasen A. M, është përplasur me një motomjet me drejtues shtetasin R.H., 69 vjeç, i cili si pasojë e dëmtimeve të marra, ka ndërruar jetë gjatë transportit për në spitalin e Vlorës, informon policia e Vlores.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit, si dhe do të merret në pyetje shoferja e makinës.
