Kryetari i Partisë Demokratike, Sali Berisha, ka reaguar ashpër pas vizitës së kryeministrit Edi Rama në Prishtinë, duke e cilësuar atë si “hipokrite”. Berisha akuzon Ramën se “pazaret” e tij në Beograd janë një nga shkaqet që kanë çuar në gjykimin e katër ish-luftëtarëve të UÇK-së në Hagë.
Gjatë një deklarate publike, Berisha theksoi se Rama përfaqëson një “armik të egër” për Kosovën, duke përmendur se veprimet e tij kanë dëmtuar dinjitetin e qytetarëve kosovarë. Ai shprehu shqetësime për mbështetjen që Rama shpalli për ish-udhëheqësit politikë të Kosovës të akuzuar në Hagë, duke e cilësuar këtë si një akt të propagandës serbe.
Berisha e konsideron këtë vizitë si një përpjekje për t’u paraqitur si patriot ndërkombëtar, por që sipas tij, i ka bërë dëm elevet të akuzuar dhe kanë ndikuar negativisht në klimën publike ndaj tyre. Ai shprehu besimin se ish-udhëheqësit politikë të Kosovës kanë qenë aleatë të besueshëm në mbrojtjen e vendit dhe mbështetën NATO-n gjatë konfliktit.
Në vazhdim, Berisha akuzon Ramën si autor të presionit ndaj udhëheqjes politike të Kosovës për votimin e ligjit të Gjykatës së Kosovës në Hagë, një ligj që sipas tij ka norma të papranueshme me të drejtën ndërkombëtare.
Ai e përfundoi deklaratën me një thirrje për gjykatësit në Hagë, duke kërkuar që të gjykojnë mbi bazën e të drejtës dhe të shpallin pafajsi për udhëheqësit politikë të Kosovës. Berisha përmendi kontributet e këtyre udhëheqësve në mbrojten e jetëve të qytetarëve shqiptarë e serbë, duke i cilësuar ata si figura të rëndësishme në historinë e Kosovës.
