TIRANA- Kryeministri Edi Rama ka vijuar dhe sot bashkbisedimin me komentuesit në Facebook në rubrikë “Sy m’sy”. Një komentues i shkroi Ramës për stilin e tij të veshjes duke thënë se vishet si adoleshent dhe po mundohet të manipulojë të rinjt. Kryeministri iu përgjigj duke thënë se çështja e veshjes së tij ishte shumë e vjetër dhe se komentuesi nuk duhej të merrej me këtë.
“Qysh vishet si adoleshent po mundohet me i manipulue të rinjt, marre të qoftë”, shkruante komentuesi.
“Nga emri që më duket se është real them se je nga shqiptarët e Maqedonisë së Veriut dhe qofsh me shëndet dhe qofshim të gjithë me shëndet. Por tani edhe te veshja do më futesh? Ça po të duhe ty si vishem unë e para e punës. E dyta e punës besoj se kjo puna e veshjes time është shumë e vjetër nuk është sot. Nuk u rrita dhe u bëra 60 me kostume dhe tani papritur po dalme pizhama në rrugë që të manipuloj të rinjt si thu? Kam përshtypjen se je pak gabim dhe kam përshtypjen se duhet të tërhiqesh pak mbrapa se je shumë afër kënetës”, tha Rama.
