Violinisti italian Giuseppe Gibboni, fitues i çmimit Paganini në vitin 2021, do të performojë këtë të enjte në skenën e Teatrit Kombëtar të Operës dhe Baletit në Tiranë. Gibboni do t’i ofrojë publikut shqiptar një koncert simfonik, që përfshin melodi nga tradita e kompozitorëve si Paganini, Rachmaninov, Stravinsky dhe Rimsky-Korsakov. Ai shprehet se ky është vizita e tij e parë në Tiranë dhe shpreh entuziazmin për interesimin në rritje të shqiptarëve për muzikën klasike.
Gibboni do të interpretojë një nga veprat më të njohura të Paganinit, “La Campanella”, e cila është e njohur për virtuozi-në e saj. Koncerti do të realizohet në bashkëpunim me Orkestrën Simfonike të TKOBAP-së dhe Orkestrën e Forcave të Armatosura, nën drejtimin e Maestro Sergio Alapont.
Pas koncertit, trupa artistike me Gibbonin do të udhëtojë drejt Festivalit Respighi në Bologna në vitin 2025, një nga festivalet muzikore më të rëndësishme në Europë. Dirigjenti Alapont thekson se ky është një projekt ambicioz që kërkon koordinim të ngushtë përveç 80 muzikantëve edhe me instrumentet që duhet të zhvendosen. Ai shprehet se janë të entuziazmuar për këtë sfidë dhe ndihen të privilegjuar që Gibboni është pjesë e këtij udhëtimi.
Ky koncert shënon një moment të rëndësishëm për orkestrën shqiptare, duke rritur praninë e saj në skenat simfonike europiane dhe duke ofruar mundësi për artistët shqiptarë.
