Shkroi: Soni Salihi
Real Madrid fitoi ditën e sotme 2-1 kundër një kundershtari të vështirë si Las Palmas. Vendasit vinin si të pamposhtur në shtëpi gjatë gjithë sezonit kurse madrilenët donin me patjetër fitoren për të kaluar Gironën dhe të ngjiteshin në krye të kampionatit.
Pjesa e parë nuk kishte shumë episode duke u mbyller me rezultatin e bardhë 0-0. Në të dytën ishte Las Palmas ekipi që do të zhbllokonte rezultatin në minutën e 53’ ku pas një kundërsulmi, Javi Munoz arriti të çoj topin në rrjetë.
“Galaktikët” do të përgjigjeshin vetëm 12 minuta më pas dhe do të ishte braziliani Vinicius Jr që do të barazonte gjithçka pas një goditje të bukur nga një kënd i pjerrët. Kur po lojës po i afrohej fundi, Kros ekzekuton një goditje këndi dhe ai që kërcej me shumë nga të gjithë ishte zëvendësuesi Tchouameni i cili shënon golin e dytë dhe i jep fitorën ekipit të Ancelottit.
Real Madrid tashmë qëndron i qetë në vendin e parë të La Liga me 2 pikë difenrecë nga rivalët e tyre Girona dhe do të përballet javën e ardhshme me Getafen që për momentin pozicionohet në vendin e 10.
