Një raketë balistike goditi drejtpërdrejt spitalin Soroka në qytetin jugor izraelit të Beershebës, në kuadër të një vale të re sulmesh ajrore të nisura nga Irani.
Lajmi është konfirmuar nga autoritetet izraelite dhe Ministria e Jashtme e Izraelit, e cila në një postim në rrjetin social ‘X’ deklaroi: “URGJENTE: Një goditje direkte është raportuar në Spitalin Soroka në Beersheba, në jug të Izraelit. Detaje të mëtejshme do të pasojnë.”
Iranian ballistic missile impact at Soroka Hospital in Beersheba https://t.co/8ih9H2QXUfpic.twitter.com/CxIfjLgMBq
— Emanuel (Mannie) Fabian (@manniefabian) June 19, 2025
Pamje të papërgjegjshme, të shpërndara në rrjetet sociale, tregojnë skena kaotike me njerëz që vrapojnë në korridore të mbuluar nga pluhuri dhe rrënojat, ndërsa mjekët dhe personeli spitalor qëndrojnë jashtë ndërtesës, përballë dëmeve të dukshme në infrastrukturë.
Një zëdhënës i spitalit konfirmoi dëmtimin e ndërtesës dhe njoftoi se situata po vlerësohet: “Ka dëme në spital dhe dëme të mëdha në disa zona. Jemi në proces vlerësimi të situatës dhe të lënduarve të mundshëm. I kërkojmë publikut të mos vijë në spital për momentin.”
Sirenat u dëgjuan në të gjithë vendin, ndërsa mediat izraelite raportuan për disa shpërthime të fuqishme edhe në qendër të Izraelit, përfshirë Tel Avivin dhe Jeruzalemin, ku dëgjohen shpesh tingujt e eksplozioneve gjatë orëve të fundit.
