Persona të paidentifikuar kanë vjedhur konizmën (arkën e dhurimeve financiare)të kishës së Shën Sotirit në Bulevardin “Republika” të qytetit të Korçës. Ngjarja ka ndodhur mëngjesin e sotëm, ndërsa nuk është hera e parë që vidhet kisha në këtë qytet.
Sipas policisë, autorët kanë hapur me forcë arkën e dhurimeve financiare të besimtarëve.
Policia ka sekuestruar pamjet e një prej kamerave të bizneseve ngjitur me konizmën e kishës, si dhe të Zyrës Rajonale të Punësimit që ndodhet përballë vendit të ngjarjes për të rënë në gjurmët e autorëve.
