Sulmuesi i Kosovës, Vedat Muriqi ka gjetur edhe golin e radhës në La Liga me Mallorcan, duke i shënuar Atletico Madridit në ndeshjen e javës së 14-të.
Mallorca ka gjetur shpejt golin e parë në përballjen e tyre në shtëpi ndaj Atleticos.
Është përsëri sulmuesi prizrenas, Vedat Muriqi, i cili ka shënuar për Mallorcan.
Muriqi ka gjetur golin e epërsisë 1-0 në minutën e 16-të të ndeshjes falë asistimit të Jaume Costa.
Goli i sulmuesit të Kosovës erdhi nga afërsia.
Ky ishte goli i katërt radhazi i Muriqit në La Liga dhe i teti deri tani këtë sezon.
