Ushtria e Ukrainës ka publikuar disa pamje të cilat thuhet se tregojnë dronët e armatosur turk duke kryer sulme kundër forcave ruse.
Sipas mediave të huaja, bëhet fjalë për dronët Bayraktar TB2 të prodhuar nga Turqia që po përdoret në luftën e Ukrainës kundër agresionit rus.
Pamjet të publikuara në faqen në Facebook të komandantit të përgjithshëm të forcave të Ukrainës.
Pas kërcënimeve disamujore se do të fillojë pushtimin e Ukrainës, presidenti rus Vladimir Putin të enjten urdhëroi operacionet ushtarake në këtë shtet evropian.
Disa ditë më parë, Putin nënshkroi dekretin ku njeh shtete dy rajonet separatiste, ndërsa disa orë pas këtij veprimi që u dënua ashpër nga Perëndimi, u dha urdhri edhe për operacionet ushtarake në Ukrainë.
Në anën tjetër, autoritetet e sigurisë në Ukrainë kanë bërë thirrje për mobilizim.
Deri më tani dhjetëra civilë kanë humbur jetën, kurse autoritetet ukrainase kanë njoftuar se edhe trupat ruse kanë pësuar humbje të mëdha si në njerëz ashtu dhe në makineri.
