Ditën e djeshme, u luajt derbi mes Hajdukut të Splitit dhe Dinamos së Zagrebit në Kroaci, i cili u mbyll në barazim 1-1. Mirëpo, gjërat nuk shkuan ashtu siç duhet pas ndeshjes, pasi raportohet se ka pasur të shtëna me armë në rrugët e Splitit.
Pas derbit janë arrestuar 63 anëtarë të Torcidës (grupim ultras i Hajdukut të Splitit) dhe 12 tifozë mysafirë, teksa arrestimet kishin nisur herët pasdite në Dugopolje kur kanë mbërritur ultrasit e Dinamos, njofton policia.
“Kur policët kanë mbërritur në vendin e ngjarjes, tifozët i kanë sulmuar duke i hedhur shishe. Në këtë incident, katër policë kanë pësuar lëndime të lehta. Për të zmbrapsur një sulm të mëtejshëm, një polic ka qëlluar tre herë në ajër. Gjithashtu është përdorur forca, dhe të gjitha mjetet e tjera për të ndalur sulmet e mëtejshme dhe për të vendosur rendin dhe qetësin publik”, thuhet në mediat kroate.
Shumica e pjesëmarrësve në ngjarje janë larguar me vrap, por policia ka arritur të ndalojë 6 persona.
