Deputeti i Partisë Demokratike, Saimir Korreshi, ka surprizuar edhe këtë herë në Kuvend.
Ai ka mbërritur në seancën plenare me brisqe rroje.
Gjatë një deklarate për mediet ai ironizoi duke thënë se brisqet i ka sjellë për qeverinë që kjo e fundit t’i sterilizoje, duke iu referuar koncesionit të sterilizimit.
“Kam marrë një surprizë për qeverinë, por po e do dhe ai tjetri (për Bashën), kam sjellë një kit kirurgjikal për synetllëk. Kit kirurgjikal. Ia solla qeverisë ta sterilizojë meqenëse ka 10 vite që se rruan për popullin. Faleminderit”, tha ai.
