Dy gra kanë hedhur vetën në erë duke lënë të vdekur një efektiv policie dhe duke plagosur një tjetër.
Mësohet se ngjarja ka ndodhur në Turqi pranë stacionit të policisë në distriktin Mezitli të provincës Mersin.
Sipas ministrit të Brendshëm turk, Suleyman Soylu, dy gratë të cilat kryen fillimisht sulmin duke qëlluar në drejtim të oficerit të policië, më pas shpërthyen bombat të cilat i kishin në trup.
Gjatë një vizite në vendngjarje, Soylu akuzoi Partinë e Punëtorëve të Kurdistanit (PKK) për kryerjen e sulmit që ndodhi rreth orës 22:40, duke shtuar se katër civilë u plagosën si pasojë dhe se dy gratë mbetën të vdekura gjatë shpërthimit.
