Pretendimet ishin të mëdha, mirëpo fusha e blertë tregoi komplet një anë tjetër. Kombëtarja e Kilit bindi të gjithë se është më lart se Shqipëria modeste, pavarësisht se arriti jo me pak vështirësi, një fitore të thellë, 0 me 3, në “Ennio Tardini” të Parmës, duke i dhënë një “goditje” të fortë “Kuqezinjve”, në nisje të “testeve” miqësore, para Euro 2024.
Eduardo Vargas, në të 21’-tën, Marcos Bolados, në të 83’-tën e Victor Davila, në të 92’-tën mjaftuan për t’i dhënë djemve të teknikut, Sylvinho goditjen e “knock out”, të cilët jo në pak raste kërcënuan portën kundërshtare, por më kot, rezultati mbeti në 0 me 2, duke mos lumturuar në asnjë moment tifozët “Kuqezinj”, që kishin mbushur tribunat e stadiumit italian.
Në fushë u hodhën të gjithë, të paktën sa i përket repartit ofensiv, teka në fillim gjithçka nisi me treshen Seferi-Manaj-Asani, me këta dy të fundit, që qëndruar në hije, duke mos prodhuar shumë. Në pjesën e dytë tekniku Sylvinho hodhi në fushë Brojën, Muçolli, Arbër Hoxhën e Muçin, por sërish rezultati nuk ndryshoi e ishte pikërisht momenti kur Kili na ndëshkoi me gola të shpejtë, në kundërsulm.
Tashmë, Kombëtares i duhet të “hedhë pas krahëve” këtë humbje katastrofike në Parma, teksa vetëm tre ditë më vonë do të përballen me një tjetër përfaqësuese me histori në futbollin evropian e botëror, teksa mbrëmjen e 25 marsit do të sfidojnë në “Friends Arena” të Stokholmit, përfaqësuesen e Suedisë.
SHIKONI GOLAT:
Rastet e ndeshjes:
90+4′ Përfundon ndeshja.
90+2′ Davila shënon të tretin për Kilin. (VIDEO)
83′ Vjen goli i dytë nga Kili. (VIDEO)
79′ Arbër Hoxha merr vendin e Taulant Seferit. (VIDEO)
75′ Armando Broja pranë golit. (VIDEO)
72′ Vjen edhe momenti i Muçit që zë vendin e Bajramit.
68′ Kombëtarja në kërkim të golit, Armando Broja ‘zbarkon’ në fushë. (VIDEO)
63′ Sylvinho largon Asanin, Muçolli merr vendin e shkupjanit.
58′ Kili pranë golit të dytë. (VIDEO)
57′ Zëvendësimi i parë për tanët. Laçi zë vendin e Ramadanit.
46′ Starton pjesa e dytë.
45′ Mbyllet pjesa e parë.
19′ Kili kalon në avantazh. (VIDEO)
