Një shpërthim i fuqishëm është shënuar ditën e sotme në Stamboll të Turqisë.
Mediat turke bëjnë me dije se deri më tani raportohet për një viktimë dhe 11 persona të plagosur, por që ky numër pritet të rritet.
Në videon e mëposhtme shihet dhe momenti kur është shënuar shpërthimi ndërsa qytetarët vrapojnë të tmerruar në panik. Nuk dihet ende se çfarë ka shkatuar këtë shpërthim në rrugën Istiklal në lagjen Beyoğlu të Stambollit.
Ndërkohë që në rrugë ndodhet një numër i madh efektivësh, ambulancash dhe zjarrfikësesh.
Guvernatori i Stambollit Ali Yerlikaya ka bërë një deklaratë në lidhje me shpërthimin në rrugën Istiklal.
“Sot rreth orës 16.20 ka ndodhur një shpërthim në rrugën Taksim Istiklal në lagjen tonë Beyoğlu . Ekipet tona të policisë, shëndetësisë, zjarrfikësve dhe AFAD janë dërguar në vendngjarje. Ka viktima dhe të plagosur. Zhvillimet do të ndahen me publikun” njoftoi ai.
