Deputetët e PD-së janë përplasur në seancën e sotme të Kuvendit me akuza dhe ofendime. Debati nisi në momentin që Flamur Noka i kërkoi llogari kryetares së Kuvendit se përse nuk janë në listën e deputetëve të grupit të PD-së.

Por Nikolla i tha se ai së bashku me Sali Berishën, por edhe të tjerë janë përjashtuar nga vetë grupi i PD-së. “E kam këtu vendimin e grupit që vendos për përjashtimin tuaj.

Këtë përgjigje ua kam thënë një vit më parë” iu përgjigj Nikolla kërcënimit të Nokës e do ta padiste.

Në këtë moment pati replika mes kryetarit të grupit të PD-së, Enkelejd Alibeaj dhe Gazment Bardhi me Nokën dhe pjesën tjetër të PD-së.

“Je kokrra e legenit që të vij unë aty ta tregoj ty. Të vij ta tregoj ty edhe atij tjetrit. Legen” dëgjohet Alibeaj duke i thënë Nokës.

Pjesë nga debati;

Flamur Noka: Është bërë e udhës që në këtë Parlament të mos përfillet rregullorja. Sot shoh që Flamur Noka, krahas kolegëve të tjerë, shkruan jashtë grupeve parlamentare. Duke qenë se ju pa asnjë vendim, pa asnjë të drejtë, të faktoni kush është deputet i kësaj apo asaj force, unë i dërgova komisionit në kërkesë.

Përgjigja ishte: Ju bashkangjitur do të keni listën emërore të deputetëve të Kuvendit të Shqipërisë krahas partisë përkatëse. Dhe emri im së bashku me Albana Vokshin dhe Sali Berishën nuk janë në Partinë Demokratike.

Një nen tjetër thotë se një deputet deklaron me shkrim se në cilin grup parlamentar bën pjesë. Zonjë më nxirr dokumentin që unë kam kërkuar të largohem nga grupi i PD-së.

Ose më nxirr një vendim të këtij Parlamenti që më ka shpallur armik. Që nga nesër zonjë do të bëjë gati një padi në Gjykatën Kushtetuese për shkelje të ligjit dhe për mënyrën sesi ju silleni në Kuvend, sikur të jetë mejhane e jo Parlament.

Tritan Shehu: Enkelejd Alibeaj diktator.

Enkelejd Alibeaj: Të tregoj unë diktatorin ty. Plak matuf! Legen!

Flamur Noka i drejtohet Alibeajt: Ktheu para.

Enkelejd Alibeaj: Je kokrra e legenit që të vij unë aty ta tregoj ty. Të vij ta tregoj ty edhe atij tjetrit. Legen.