Një kafene në sheshin e famshëm të Shën Markut në Venecia është kthyer në një ‘arenë boksi’, pasi një kamarier u përfshi në një sherr me një grup turistësh dhe situata doli shpejt jashtë kontrollit. Pamjet e publikuara tregojnë përleshjen që shpërtheu në Caffè Chioggia mes kamerierëve dhe turistëve.
Videoja, e cila është regjistruar javën e kaluar u filmua nga një dëshmitar okular. Nuk është e qartë se çfarë e shkaktoi sherrin por sipas mediave lokale italiane, gjithçka nisi pas një “Jo” nga stafi i restorantit kur u përballën me kërkesën e turistëve për të përdorur banjën pa konsumuar asgjë.
