PSG arriti një tjetër fitore bindëse në kampionat mbrëmjen e djeshme, pasi fituan 7-1 ndaj Lille dhe Kylian Mbappe ishte protagonist absolut i ndeshjes.
Sulmuesi francez realizoi hat-trick, ndërsa golin e parë të ndeshjes e shënoi pas vetëm tetë sekonda.
Lojtarët e PSG-së nisën topin nga qendra, shkëmbyen disa pasime dhe më pas Lionel Messi dha një top të gjatë për Mbappe, i cili iu shmang mbrojtjes së Lille dhe shënoi gol duke ia kaluar topin sipër portierit kundërshtar.
Ishte një nga golat më të shpejtë në historinë e futbollit dhe trajneri i PSG-së Christophe Galtier zbuloi pas ndeshjes se si ndodhi.
“Jemi stërvitur për atë gol. Gjetëm një video të një goli kundër Salzburgut në Ligën e Kampionëve për Junior. Ne folëm për këtë një ditë para ndeshjes, e pamë videon dhe e provuam ne stërvitje. Duket qarte qe është mire kur ia del pas tete sekondave. Urime stafit dhe lojtarëve që guxuan të provonin dhe ja dolën. E lëndoi kundërshtarin dhe më vonë kur skuadra është aq serioz sa ishte, atëherë gjërat janë më të lehta”, tha Galtier.
Meqë ra fjala, Lille është klubi që i dha fund serisë së PSG-së të fitimeve të trofeve në kampionatin francez dy sezone më parë.
