Një avion me një motor u rrëzua sot në një lagje në qytetin e Bursës në Turqi, duke shkaktuar vdekjen e dy pilotëve, sipas agjencisë zyrtare të lajmeve Anadolu.
Për fat të mirë nuk janë shënuar viktima në terren, në vendin ku aeroplani u rrëzua, sipas autoriteteve lokale.
Mësohet se kanë pësuar dëme dy shtëpi dhe dy automjete, si pasojë e rrëzimit të avionit.
Sipas rrjetit televiziv NTV avioni u rrëzua pranë aeroportit Gunouseli, pak pas ngritjes. Në vendngjarje kanë shkuar makina zjarrfikëse dhe ambulanca , raportojnë rrjetet televizive turke.
