Ka nisur tubimi para kryeministrisë në Tiranë në lidhje me ngjarjet e fundit në Kosovë.
Protestuesit shprehen se situata në veri të Kosovës i ka prekur, si dhe kanë bërë thirrje që Shqipëria të mbështesë Kosovën.
Ata kanë protestuar edhe kundër qëndrimeve të Ramës ndaj Kosovës.
Tre efektivët e policisë kufitare të Kosovës do të qëndrojnë në burg pasi ditën e sotme Gjykata e Lartë në Kralevë të Serbisë vendosi caktimin e masës paraburgim për policët Rifat Zeka, Beqir Sefi dhe Mustafë Shemi, të cilët sipas prokurorisë serbe dyshohet se kanë kryer veprën penale: prodhim, posedim, mbajtje dhe trafikim i paligjshëm i armëve dhe lëndëve plasëse.
