SHBA – PSG vazhdon të bëjë më shumë sesa thjesht të fitojë ndeshje, pasi po mposht çdo kundërshtar që i del përpara.
Pas fitores 5-0 ndaj Interit në finalen e Ligës së Kampionëve dhe fitores 4-0 kundër Atletico Madridit në ndeshjen hapëse të Kupës së Botës për Klube, ‘ushtria’ e Luis Enriques nuk i la rrugë as Inter Miamit: 4-0 kundër Messit dhe shokëve të tij të ekipit dhe një paralajmërim drejtuar pjesës tjetër të ekipeve që janë ende në Kupën e Botës.
Luis Enrique e lë Dembélén në stol, megjithatë propozon një treshe ofensive me pak lojtarë të barabartë në botë në këtë moment të përbërë nga Doué, Barcola dhe ish-lojtari i Napolit, Kvaratskhelia. Mascherano përgjigjet me formacionin 4-4-2, duke u mbështetur në klasin dhe përvojën e Messit – përvoja e tij në Paris nuk ishte e paharrueshme – dhe Suarez.
Ajo që mund të kishte qenë një krahasim prekës midis Leo Messit dhe ish-skuadrës së tij, që nga fillimi shndërrohet në një performancë mahnitëse nga PSG dhe një masakër për Inter Miamin.
Jemi në minutën e 6-të, kur një goditje dënimi e ekzekutuar në mënyrë perfekte nga Vitinha shndërrohet në gol nga Neves, i cili kështu zhbllokon ndeshjen. Mesfushori portugez më pas dyfishon rezultatin në minutën e 39-të, këtë herë i asistuar nga Fabian Ruiz. Goleada pariziene vazhdon edhe para pushimit, me një autogol nga Aviles dhe pokerin e shënuar nga Akimi në minutat shtesë.
Administrim i zakonshëm në pjesën e dytë, me Inter Miamin që nuk arriti as të shënonte golin e ngushëllimit, duke e mbyllur aventurën e tij në Botëror. PSG pra në çerekfinale dhe me rolin e qartë të favoritit për fitoren përfundimtare.
