Kristjan Asllani debutoi me Interin në Champions League. Momenti i shumëpritur erdhi, kur trajneri i zikaltërve, Simone Inzaghi e aktivizoi futbollistin në fundin e pjesës së dytë ndaj Plzen.
Ashtu siç pritej, mesfushori kuqezi nuk e nisi titullar. Gjithsesi, Asllani u fut në fushën e lojës në minutën e 84-të, për të zënë vendin e Brozovic.
Ky çast me shumë mundësi do mbahet mend gjatë nga lojtari shqiptar, që kishte kohë që e priste diçka të tillë. Asllani u transferua në Milano këtë verë nga skuadra e Empolit.