SELANIK- Një ngjarje e rëndë është regjistrua diën e sotme në Evosmos të Selanikut. Raportohet se një përleshje e përgjakshme ka ndodhur në kryqëzimin e Chrysostomou dhe Papagou mes dy shqiptarëve. Nga kjo ngjarje kanë mbetur të dy të plagosur. Burimet raportojnë se gjendja e njërit prej tyre është kritike.
Kanë qenë kalimtarët të cilët i kanë pikasur dy shqiptarët të gjakosur në një distancë të shkurtër nga njëri-tjetri. Ata kanë njoftuar menjëherë shërbimet e urgjencës. Ambulancat kanë mbërritur në vendngjarje dhe kanë transportuar të plagosurit në Spitalin AHEPA. Policia ka nisur tashmë hetimet për zbardhjen e rrethanave të ngjarjes.
