TIRANË– Kryebashkiaku, Erion Veliaj vijon të jetë aktiv në TikTok teksa së fundmi ka ndarë një video të re. Në video Veliaj ka dhënë një mesazh të koduar teksa shkruan se momentalisht është i heshtur. Teksa ka ndarë pamje të tij në evente të ndryshme, Veliaj shkruan kur të flasë ai do të ketë breaking news.
Kryebashkiaku së fundmi nuk ka bërë reagime të shumta në rrjetet sociale dhe ka qenë i heshtur por herë pas here jep mesazhe ndaj personit/ave të cilët i ka cilësuar në videon e fundit se nuk i pëlqen më. Por për kë është ky mesazh i kryebashkiakut dhe a po paralajmëron ai “stuhi” të re me informacionet që ai di dhe deri më tani ka vendosur të heshtë.
“Je kaq i qetë”. Modaliteti i heshtur është aktiv sepse nuk më pëlqen më. Kur te flas une ti do jesh lajm i fundit”,shkruan në Tiktok Veliaj.
Veliaj u arrestua në zyrën e Bashkisë më 10 shkurt si i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”.
Sipas SPAK nga të dhënat konkrete të mbledhura deri në këtë fazë të hetimit paraprak, në mënyrë të përmbledhur rezulton se, nga peronat nën hetim, specifikisht Veliaj edhe bashkëshortja e tij, Ajola Xoxa është ideuar, krijuar dhe vënë në funksionim një mekanizëm që ka synuar dhe ka bërë të mundur, në praktikë, marrjen e përfitimeve të parregullta, të cilat burojnë nga fondet publike që administrohen nga Bashkia Tiranë, përmes titullarit të saj, me qëllim pasurimin personal të këtij të fundit dhe familjes së tij, përmes veprimeve të kamufluara dhe të kundërligjshme.
