Nxirren trupat e dy viktimave dhe makina nga përroi në Librazhd. Aksidenti i rëndë ndodhi në aksin rrugor Elbasan-Librazhd. Këto janë pamjet e para nga vendi i ngjarjes. Ngjarja ndodhi në fshatin Pishkash ku një makinë doli nga rruga dhe përfundoi në përroin e Lengajcës.
Si pasojë e aksidentit kanë mbetur të vdekur dy persona, burrë e grua, Arjan 55 dhe Majlinda Yze 50-vjeçe nga Devolli. Çifti ishte nisur nga Tirana në drejtim të Devollit, por udhëtimi u pre në mes. Shkaqet ende nuk dihen.
Shërbimet e Policisë dhe ato të zjarrfikëses ndodhen në vendin e ngjarjes dhe vijojnë punën për nxjerrjen e trupave të dy personave që ndodheshin në automjet.
Grupi hetimor vijon punën për zbardhjen e plotë të rrethanave të këtij aksidenti.
