Një aksident i rëndë ndodhi paraditen e së hënës tek Ura e Tajvanit në kryeqytet. Një nga autobusët e linjës së Unazës është përfshirë në një aksident me një numër të madh automjetesh.
Deri më tani dyshohet se të paktën tre persona kanë mbetur të lënduar kurse të përfshira në aksident janë të paktën 11 automjete, autobusi dhe 10 makina të tjera.
Dy autoambulanca kanë mbërritur deri më tani në vendin e ngjarjes ndërsa nga pamjet e siguruara nga vendi i ngjarjes duket se përplasja ka qenë e fortë pasi disa mjete, përfshirë këtu edhe autobusin e linjës së Unazës janë dëmtuar rëndë.
