Një përleshje e ashpër mes dhjetëra romëve dhe shqiptarëve ka ndodhur mbrëmjen e së enjtes në perëndim të Selanikut.
Sipas mediave vendase, raportohet se ngjarja gjithçka ka ndodhur pak pas orës 22:00 në Parkun Peristeria. Sipas dëshmitarëve okularë, shkak ka qenë fakti se të miturit e dy familjeve janë grindur me njëri-tjetrin, pas kësaj, dy gratë e dy familjeve filluan të konfliktoheshin me njëra-tjetrën, dhe më pas u përfshinë më shumë se 20 persona.
Konflikti ndodhi për rreth një orë, ku u përdorën gurë, shishe alkooli dhe sende të tjera. Si pasojë e përplasjes fizike, dy persona janë plagosur dhe katër tjerë janë arrestuar.
