Një mësues i shkollën 9-vjeçare “Dritëro Agolli” në Bilisht është pezulluar nga puna, pasia akuzohet se ka ushtruar dhunë nga nxënësve.
Bëhet fjalë për mësuesin Alban Fetolli dhe nga komisioni i disiplinës dhe etikës së shkollës ka nisur hetimin për të pasi prindërit e disa nxënësve të klasës së tetë janë ankuar pranë drejtorisë së shkollës për dhunën e ushtruar ndaj tyre nga mësuesi.
Vendimi për pezullimin e tij nga puna është marrë nga DAR. Një prej nxënësve të dhunuar ka pohuar për mediat se mësuesi i ka goditur me bidonë uji, disa ditë më parë teksa ishin duke zhvilluar mësimin. Ai shtoi se janë dhunuar edhe 4 nxënës të tjerë, mes tyre dhe një vajzë.
U zgjidh kjo punë me drejtoreshën, drejtoresha filloi t’i bënte pyetje, ai donte t’ia ngrinte zërin, por drejtoresha i tha nëse i godet edhe njëherë fëmijët do ta bëj publike. Pardje kishim me atë mësues, por na erdhi një mësues i ri. Këtu është, jep tek kjo shkollë, por nuk na jep më neve”, tha nxënësi.
Më herët në një komunikim telefonik, drejtorja e DAR, Vinjola Rota, tha se ngjarja po vlerësohet si nga komisioni i etikës së shkollës dhe po ashtu edhe nga drejtoria rajonale arsimore.
“Menjëherë pas ngjarjes është ngritur një komision etike dhe një pyetësor psiko-social. Në këto momente qe po merren masa mësuesi nuk jep mësim pasi është në komision etike. Deri në momentin që do të dalë vendimi i komisionit etik nuk mund të merren masa të tjera siç mund të jetë pezullimi”, tha Rota.
