Mario Mitaj vazhdon të shkëlqejë me Al Ittihad në Arabinë Saudite, duke u bërë protagonist edhe në Kupën e Mbretit. Në sfidën çerekfinale kundër Al Shabab, 22-vjeçari hyri në fushë nga stoli në minutën e 65-të, kur rezultati ishte 2-1. Në minutën e 87, Mitaj dhuroi një kros të shkëlqyer për Karim Benzemanë, i cili shfrytëzoi rastin për të kompletuar tripletën e tij personale.
Ky sezon, Mitaj ka shënuar një gol në kampionat dhe ky asist ishte i dyti në Kupë. Performancat e tij po i sjellin vëmendje pozitive, si në nivelin e klubit ashtu edhe në atë kombëtar.
