AUSTRI- Ministri i Shtetit për Marrëdhëniet me Parlamentin, Taulant Balla, njëkohësisht drejtuesi politik i PS për Diasporën ka zhvilluar një takim me shqiptarët në Vienë të Austrisë. Takimi nuk ka shkuar siç duhet për Ballën, pasi u përball me një situatë jo të këndshme, teksa po mbante fjalimin para pjesmarrësve.
Një nga qytetarët që jetojnë e punojnë atje, e ka pyetur se çfarë kanë bërë qeveritarët për të përmirësuar jetesën e shqiptarëve. Ai i ka thënë Ballës se roli që ka ministri është t’i shërbejë popullit, ndërsa shton se nuk është faji i qytetarëve pse këta të fundit janë të zemëruar me qeverisjen e tyre.
Qytetari: Ju ta dini, që ministër do të thotë shërbyes. Ju na vini këtu dhe doni të na tregoni se kush mund të flasë dhe kush jo.
Balla: Bëjmë një 5 minutsh pushim.
Qytetarja: Ju duhet të vini të jepni përgjigje për pyetjet që kanë njerëzit. Nuk është faji jonë që njerëzit janë kaq të zemëruar me ju, me qeverisjen tuaj, me lidershipin tuaj komunist. Nuk është faji jonë.
Në fundin e videos së postuar nga qytetari Oligert Musta shihet se qytetarit i është tentuar t’i merret telefoni nga dora dhe të nxirret jashtë. “Taulant Balla merr atë që meriton në Vienë”…shkruan Musta krahas videos.
