Një aksident i rëndë ka ndodhur pasditen e sotme në aksin rrugor Pogradec-Qafë Thanë, në afërsi të fshatit Pojskë të Pogradecit.
Në aksident janë përfshirë 3 makina, ndër të cilat edhe një fugon mallrash që transportonte fruta dhe perime.
Për shkak të përplasjes janë plagosur 6 persona të cilët janë dërguar për ndihmë mjekësore. Mësohet se 2 prej të plagosurve janë në gjendje të mirë shëndetësore.
Siç shihet edhe nga pamjet më poshtë makinat e përplasura kanë marrë dëmë të mëdha materiale. Në vend ngjarje kanë arritur zjarrfikëset dhe policia.
Grupi hetimor në vendngjarje po kryhen veprimet procedurale dhe po punon për përcaktimin e shkaqeve të aksidentit.
