Vodhën një shumë parash në një banesë, në qytetin e Vlorës, identifikohet, kapet dhe vihet në pranga njëri prej autorëve të dyshuar, ndërsa po punohet për identifikimin dhe kapjen e bashkëpunëtorit. I arrestuari M. A. 41 vjeç banues në fshatin Babicë e Madhe është me precedent të mëparshëm penal në fushën e narkotikëve dhe armëmbajtjes pa leje.
Gjatë kontrollit në banesën e të arrestuarit, shërbimet e Policisë gjetën dhe sekuestruan 41 900 euro të dyshuara të falsifikuara, 10950 dollarë të dyshuar të falsifikuar, një dedektor për GPS, një palë targa të huaja, automjetin e dyshuar të përdorur në vjedhje, dy celularë, veshjet e përdorurua nga ky shtetas, një kapele kamuflazhi dhe një palë doreza.
