SHIJAK– Një situatë e paprecedentë ka ndodhur mbrëmjen e sotme në fshatin Hardhishtë të Shijakut, ku i kanë vënë zjarrin mbeturinave. Në denoncimin e ardhur në redaksinë e Dosja.al, shihet momenti qe flakët janë përhapur me shpejtësi, ndërkohë që tymi ka mbuluar komplet zonën.
Banorët, nga tymi masiv po rrezikojnë që të asfiksohen. Deri më tani në vendngjarje është njoftuar policia dhe shërbimet zjarrfikëse, por nuk ka asnjë shenjë të tyren.
Në denoncimin që ka mbërritur në redaksi, theksohet fakti që mbeturinat grumbullohen në këtë fshat dhe digjen më pas. Kjo është hera e disatë që ndodh kjo situatë e rëndë në këtë bashki.
Djegia e mbeturinave në këtë mënyrë të paligjshme, ka ardhur pas denoncimit të emisionit Piranjat, ku janë denoncuar me fakte dhe video, mungesa e një infrastrukture në lidhje me asgjesimin e mbeturinave në këtë bashki.
