SHBA- Një incident ka ndodhur gjatë xhirimeve të filmi “The Devil Wears Prada 2”, me protagoniste Anne Hathaway, e cila po zbriste një shkallë kur papritmas u rrëzua.
Gjatë xhirimeve, aktorja u filmua duke dalë nga një ndërtesë, e cila përfundoi duke u rrëzuar, ndërsa dyshohet se ajo theu takën e këpucës së saj dhe kjo shkaktoi incidentin.
Hathaway reagoi shpejt dhe u ngrit menjëherë në këmbë. “Jam mirë”, tha ajo, duke buzëqeshur me ekipin e xhirimit që u afruan pranë saj. Por gjithashtu ende nuk është e qartë nëse incidenti i papritur ishte pjesë e skenarit apo jo.
Filmi i vitit 2006 u bazua në librin e ish-asistentes së Vogue, Lauren Weisberger. Weisberger kishte punuar për kryeredaktoren e famshme të Vogue, Anna Wintour, e cila kohët e fundit dha dorëheqjen pas 37 vitesh. Hathaway riinterpreton rolin e saj si Andy Sachs në vazhdim. Në filmin origjinal, e sapodiplomuara nga kolegji përfshihet në botën e modës dhe medias ndërkombëtare, duke kombinuar të kaluarën e saj modeste me një të ardhme të ndritur ndërsa punon si asistente e Miranda Priestly (Meryl Streep), me ndihmën e një miku të ri, Nigel (Stanley Tucci), drejtorit artistik të Runway.
Filmi do të dalë në kinema më 1 maj 2026. Hathaway u fotografua së fundmi në sheshxhirimin e vazhdimit në rrugët e New York City . Aktorja mbante veshur një kostum bardh e zi, të përbërë nga pantallona dhe një jelek, të cilin e kombinoi me çizme me taka të larta. Përmes videove dhe fotove të postuara në rrjetet sociale, fansat po marrin një pamje të parë të rolit të Sachs dhe një shije të asaj që do të shohin në film.
