Ky person që shihni në këtë video, është autori i vendosjes së tritolit në banesën e deputetit të Partisë Demokratike, Xhelal Mziu.
Në kuadër të hetimeve për ngjarjen, hetuesit kanë siguruar pamjet nga kamerat e sigurisë të banesave në zonë, duke ndjekur lëvizjet e të riut. Siç edhe shihet, ai është i maskuar dhe për hetuesit është i vështirë identifikimi i tij.
Ka dyshime të forta si personi në fjalë është përfshirë edhe në disa raste të tjera të shpërthimeve me tritol përfshirë edhe shpërthimin në një lokal në Kamzë, i ndodhur pak ditë më parë.
Sipas hetuesve, autori vishet me rroba të errëta si punëtor dhe largohet me biçikletë nga vendi i ngjarjes. Pothuajse të njëjtën siluetë, kamerat kanë fiksuar edhe në shpërthime të tjera me tritol.
