Gjermania si Gjermania, shënon në frymën e fundit dhe e mbyll si e para e grupit A me 7 pikë.
90’+2′ GOOOL GJERMANI 1-1/ Raum i pason topin Fulkryg, ky i fundit gjuan me kokë dhe ndëshkon Zomerin duke barazuar shifrat në shtesë. (VIDEO)
Gjermania barazoi 1 me 1, me Zvicrën, teksa mund të thuhet se ishte një rezultat i arrirë me shuëm fat. Gol i parë i sfidës erdhi pikërisht nga “Helvetët”, të cilët gjetën avantazhin falë dyshes së Bologna, Freuler-Ndoye, me këtë të fundit, që dërgon furishëm topin në rrjetën e Neuer. Menjëherë pas pësimit të golit, “Pancerat” u hodhën menjëherë në sulm, mirëpo goli i barazimit do të vinte vetëm në “frymën e fundit” të sfidës, me “bomberin” e Dortmund, Niclas Fullkrug, që çoi sferën pas shpatullave të Sommer, për të shpëtuar skuadrën e tij nga turpi në “shtëpi”.
Falë këtyre rezultateve, Gjermania e mbyll përfundimisht rrugëtimin në fazën e grupeve, në vendin e parë, me 7 pikë, vetëm 2 më shumë se Zvicra e vendit të dytë, e cila siguron gjithashtu kualifikimin për në fazën e ardhshme. Ndërkaq, në vendin e tretë pozicionohet Hungaria, me 3 pikë, ndërsa në fund renditen skocezët me vetëm 1 pikë.
