Tashmë gjithçka është mbyllur përsa i takon grupeve të Euro 2024. Në mbrëmje u luajtën edhe 2 sfidat e fundit, ato të Grupit F.
Gjeorgjia ishte surpriza e madhe, të cilët mposhtën Portugalinë me rezultatin e pastër 2-0 dhe arritën që ta mbyllnin grupin në vendin e 3-të, duke u kualifikuar për më tej.
Në krahun tjetër, Çekia nuk ia doli kundër Turqisë, duke u mundur me rezultatin 1-2. Kështu, nga Grupi F, kualifikohen Portugalia (6 pikë) në vendin e parë, Turqia (6 pikë) në vendin e dytë dhe Gjeorgjia (4 pikë) në vendin e tretë.
