VELIPOJË- Zona turistike e Velipojës po përballet me një fenomen shqetësues këtë verë, pasi është shtuar shumë prania e gjarpërinjëve. Prania e zvarranikëve në rrugë ka shkaktuar shqetësim të madh tek pushuesit. Siç shihet edhe në pamje gjarpërinjtë duket se kanë “pushtuar” rrugët e Velipojës.
Madje disa qytetarë janë shprehur të trembur nga situata dhe kanë kërkuar ndërhyrje nga autoritetet lokale për dezinfektim dhe kontroll të zonës pasi ka patur edhe raste kafshimi.
Ndërkohë ekspertët e mjedisit thonë se temperaturat e larta dhe prania e mbeturinave mund të kenë ndikuar në daljen e gjarpërinjve nga habitatet e tyre natyrore në kërkim të ushqimit apo ujit.
