Forcat e Armatosura të Shqipërisë, së bashku me mjetet e ushtrisë, janë vendosur mbrëmjen e sotme në Kukës, në gatishmëri për të mbështetur banorët e disa prej komunave në Kosovë, të cilat janë prekur nga përmbytjet, si pasojë e reshjeve të dendura ditët e fundit.
Kjo është bërë me dije nga Ministri i Mbrojtjes, Niko Peleshi përmes një postimi në rrjetet sociale, ku ka publikuar edhe pamjet. Ai thotë se forcat tona janë të gatshme të ndërhyjnë dhe të bashkëpunojnë me autoritetet e Kosovës, në rast të përkeqësimit të situatës.
“Forca dhe mjete nga FA janë dislokuar në Kukës, në gatishmëri për të mbështetur banorët e disa prej komunave në Kosovë, të cilat janë prekur nga përmbytjet si pasojë e reshjeve të dendura ditët e fundit. Të gatshëm të ndërhyjmë në koordinim me autoritetet e Kosovës, në rast të përkeqësimit të situatës. Me vëllezërit tanë në ditë të mira dhe të vështira.”, shktuan Peleshi.
