Zëdhënësja e Partisë Demokratike, Floriana Garo, u ka bërë thirrje gjithë qytetarëve shqiptarë që të bashkohen në protestën që do të mbahet kundër qeverisë, pasditen e kësaj të shtune, në orën 16.00.
Përmes një video-mesazhi të publikuar në rrjetet sociale, Garo thotë thotë se kjo nuk është vetëm dita e demokratëve, por e gjithë shqiptarëve për të protestuar kundër qeverisë, e cila sipas zëdhënëses së PD është e korruptuar.
Mesazhi i Floriana Garos për protestën, drejtuar qytetarëve:
“Përshëndetje miqtë e mi! Sot është e shtunë, 12 nëntor. Kjo nuk është vetëm dita e demokratëve. Sot është dita e të gjithë qytetarëve, e të gjithë shqiptarëve, është dita e të gjithëve ju që e doni lirinë, që e doni demokracinë dhe që zgjidhni sot që të ushtroni të drejtën kushtetuese dhe qytetare, protestën, protestën ndaj një qeverie të korruptuar që në të gjithë këto vite vetëm i ka bërë shqiptarët që të largohen duke mos parë më një rreze shprese. Le t’i tregojmë kësaj qeverie se të gjithë bashkë mundemi dhe do ta rrëzojmë atë. Shihemi në orën shesh në orën 16:00.”
