Kreu i Aleancës për Ardhmërinë e Kosovës, Ramush Haradinaj ka publikuar momentin kur familja Shala nga Zaqishta e Rahovecit fal gjakun e babait të tyre.
Në ngjarje ishin edhe kryetari i kësaj komune, Smajl Latifi dhe deputeti i AAK-së, Pal Lekaj.
“Sot në Zaqisht të Rahovecit, Avdi Shala fali gjakun e babait dhe i shtriu dorën e pajtimit familjes së Daim Shalës.
Falja është virtyt i joni kombëtar, nder e trimëri, që na mbajti të bashkuar. Qofshi faqebardhë”, ka shkruar Haradinaj në Facebook.
Fadil dhe Avdi Shala vdiqën në aksidentin e së shtunës në Ozdrim të Pejës. Një person i tretë mbeti në koma nga aksidenti. Shkaktar i aksidentit ishte një pjesëtar i familjes Elshani, që familja Shala u fali gjakun.
