Gjatë performacës këngëtari italian e puthi në buzë të bijën 26-vjeçare duke shkaktuar komente të shumta negaive në rrjete sociale.
Pasi iu afrua vajzës së saj ulur në vendet e para të Teatrit Antik të Taorminës, për të kënduar me të, Eros Ramazzotti e përshëndeti duke i dhënë një puthje në buzë. Gjesti përfundoi në TikTok dhe u bë viral shumë shpejt.
Videoja ngjalli një debat dhe polemika mbi temën “A është e drejtë apo jo të puthësh fëmijët në buzë?”.
Shumë fansa dhe përdorues e interpretuan gjestin si një shenjë të dashurisë së thellë prindërore, por më shumë të tjerë e konsideruan atë si një gjest “të keq dhe joadekuat”.
“A nuk është pak e tepërt të puthësh vajzën në buzë në këtë moshë?”, “Puthjet në buzë me prindërit, jo nuk duhet të ndodhin”, “Nuk puthet vajza në buzë, sidomos kur është rritur, kurrë”, kanë komentuar disa fansa të indinjuar.
