Shqipëria arriti fitoren e dytë radhazi duke mundur kësaj radhe në transfertë Ishujt Faroe, e vlefshme për fushatën kualifikuese të Europianit “Gjermani 2024”.
Sfida nisi mjaftë mirë për kuqezinjtë, të cilët provuan shumë herë në portën vendase, teksa goli erdhi në minutën e 20’ me Nedim Bajramin.
Gjithsesi rastet nuk munguan nga të besuarit e Silvinjos, me Cikalleshin që përveç një penalltie, shpërdoroi dhe dy raste të pastra, por në fundin e pjesës së parë, Ishujt Faroe barazuan me Faero.
Në pjesën e dytë, ishte një kryevepër e Kristjan Asllanit, i cili me një supergol kaloi sërish kuqezinjtë në avantazh në minutën e 51’.
90+5′ Mbyllet ndeshja me fitoren 1-3 të Shqipërisë!
90+1′ GOOOL SHQIPËRI 1-3/ Muçi kombinon bukur me Uzunin dhe me një gjuajtje me të djathtën gjen rrjetën.
90′ Akordohen 5 minuta shtesë.
86′ Shpërdorojnë sërish kuqezinjtë, Uzuni nis një aksion të rrezikshëm dhe pason për Mehmetin i cili tenton të driblojë brenda zonës por bllokohet nga kundërshtari në momentin e fundit
79′ Mario MITAJ “vallëzon” mes kundërshtarëve, tenton golin por portieri i ndal festën e madhe.
